Wawanrembug Babagan Lingkungan

WAWANREMBUG

Panggonan/Wektu                   : Probolinggo, 02 Oktober 2012

Narasumber                             : Bu Siti Munawaroh

Tujuan Wawanrembug            : Mangerteni ngenani babakan lingkungan

Elmi, Figa & Putri         : Assalamualaikum, Bu.

Bu Siti                           : Waalaikumsalam.

Elmi, Figa, Putri            : Sugeng enjing, Bu.

Bu Siti                           : Sugeng enjing. Apa sing bisa kula tulungi?

Figa                               : Kadospundi kabaripun panjenengan, Bu?

Bu Siti                           : Apik – apik wae.

Putri                              : Bu, kula lan kanca – kanca badhe nyuwun pirsa ngenani babakan lingkungan.

Bu Siti                           : Inggih, mangga.

Elmi                              : Sampun pinten taun ibu ngasta wonten SMPN 5?

Bu Siti                           : 7 tahun.

Figa                               : Bu Siti, mucal punapa ing SMPN 5?

Bu Siti                           : Guru Bahasa Indonesia.

Elmi                              : Bu Siti, mucal kelas pinten mawon?

Bu Siti                           : Kelas 7 lan 9.

Putri                              : Punapa ingkang kedah kita lampahi supados lingkungan SMPN 5 saged resik?

Bu Siti                           : Dibudidayaake peduli marang lingkungan, dibudidayaake rasa cinta marang lingkungan.

Putri                              : Kenging punapa lingkungan kedah tetep resik?

Bu Siti                           : Supaya sehat, kanggo wujudake program adiwiyata lan kepenak kanggo sesawangan.

Figa                               : Sinten ingkang kedah njagi karesikan lingkungan wonten SMPN 5?

Bu Siti                           : Kabeh warga SMPN 5, bisa guru – guru, kepala sekolah lan sing utamane murid – murid.

Elmi                              : Kadospundi anggenipun nyiptaaken lingkungan resik lan sehat?

Bu Siti                           : Yaiku mau, bocah – bocah kudu ngerti manfaat lan tujuane lingkungan sing resik.

Putri                              : Kadospundi anggenipum manfaataken sampah plastik?

Bu Siti                           : Barang – barang sing ana gunane diolah dadi barang sing berguna. Contone, bungkus kispray kena diolah dadi tas lan liya – liyane.

Figa                               : Punapa mawon upadi ingkang dipun lampahi?

Bu Siti                           : Nglaksanakake program adiwiyata, nandur taneman ing taman – taman sekolah.

Elmi                              : Punapa kemanjengan ingkang kedadosan wonten lingkungan SMPN 5 sesampunipun dipun wontenaken program adiwiyata?

Bu Siti                           : Lingkungan katon asri, sehat, rapi lan endah di sawang.

Putri                              : Inggih matur sembah nuwun, Bu.

Bu Siti                           : Sami – sami.

Figa                               : Menawi mekaten kula kepareng rumiyin.

Bu Siti                           : Mangga.

Elmi, Figa & Putri         : Wassalamualaikum, Bu.

Bu Siti                           : Wassalaikumsalam.